♣♣♣ كلمات جميلة ااقروها معايا بقلب خاشع راجع للمسيح ♣♣♣

هاتي ايدك يا نفسي ...وارجعي للمسيح

تعالي واوقفي نزيف.... جنبه الجريح

تعالي وامسحي دموع فاديكي الامين

واسمعي نبض اهاااات قلبه الحزين

هاتي حبك وعودي وارجعي بالدموع

كفايه بعد وشرود عن حضن يسوع

الم ..الم ..الم ..كل انسان في حياته الم

الم ..الم ..الم ..كل انسان في حياته الم

طيب انا سالت نفسي هو ليه ربنا بيخلينا نتالم

اتاري الالم ده حاجه حلوه اوي وربنا قصده من كده اننا نتالم لكي ما نستريح فيه ونلجا له دايما لكن لو حياتنا كلها راحه ومفيهاش الم مش هنلجأ لربنا ابدا وهنعتمد علي نفسنا وذاتنا وننسي الله القوي والكلي القدره

اوعي تزعلي واوعي تزعل وتلوم ربنا علي اي الم يكون في حياتك لكن اشكر ربنا من كل قلبك انه بيبعتلك الم عشان يشدك لحضنه وتحس بطعم الراحه والفرح بعد كل الم يقابلك في حياتك

وعلي راي المثل

 ((مفيش حلاوه من غير نار ))

انا بقي بقول

((مفيش ملكوت من غير انصهار وتجارب والام))

القي علي الرب همك وهو يعولك

♠♠♠♠♠ اصعب الاوقات......... ♠♠♠♠♠

اصعب الاوقات..

لما تصعب عليك نفسك..

لما دمعك ينزل مره بارادتك و 10 مرات غصب عنك..

يمكن مظلوم..

او تحت رحاية همك مطحون..

وامل بكره مات على ايد وحدتك ويأسك..

نفسك تروح مكان لوحدك وتقول آااااه بصوت عالي..

تبقى على طبيعتك..

تبكى تصرخ ماحدش بيك يبالي..

بس العالي حاسس بكل اللي فات..

من غصة ألم..

من ضربة قلم..

من صرخة أهات..

انسى نفسك بين ايديه..

قوله شكرا..

متقولش ليه..

دا يمكن لو مصعبتش عليك نفسك..

مكنتش ف يوم هاتفكر..

تروح عند رجليه..!!

♥♥♥♥♥ بحبك يا رب ♥♥♥♥♥

بحبك يا رب

احتاج اليك واجري عليك وتحميني

واشبع امان وانا بين ايدك مخبيني

ولو مشيت في وسط موج تبقا رجايا ومنقذي

ولو شروع الدنيا هاجت علي شراعي ومركبي

هافضل معاك يا ملجئي

مرت سنين وشفت فيك راعي امين

تنام عنيا وانت عينك سهرانين

وابعد واتوه عن سكتي والقاك وعايا في وحدتي

تشفي جروح القلب وتشيل القديم

₪♥₪ مفيش احلي منك في كل الدنيا ₪♥₪

مفيش احلي منك في كل الدنيا مش هعيش من غيرك ولا حتي ثانيه

ومهما الناس ينادوني وبالعالم يغروني مش هيغيروني عن حبك يا فاديا

دي حياتي معاك ليها قيمه وليها معني ..ولا ليا سواك بالخير والحب يشبعنا.طول ما انا وياك هفضل عايش عهد النعمه

مفيش زيك انت يا الهنا القدوس ..نعمتك الغنيه بتغير النفوس

وبتهدي الخطاه وترد اللي تاه وبتديله حياه معاك في الابديه

مفيش غيرك انت لما بلجأ ليه بيسمع سكوتي وبيفهم معانيه

وبيقبل صلاتي وبيغفر زلاتي وبيملا حياتي افراح حقيقيه

دي حياتي معاك ليها قيمه وليها معني ..ولا ليا سواك بالخير والحب يشبعنا.طول ما انا وياك هفضل عايش عهد النعمه

† يا يسوع مد إيديك جوه ضلوعي †

مد إيديك جوه ضلوعي انزع خفف اي الام

اغفر سامح داوي وطيب اي هموم جت من الايام

حاسس بيا ايديك حوليا مبتسبنيش وانا حتي بنام

انزع مني كل خطيه عملت يوم علي قلبي زحام

واثق أنا دايما في وعودك صادقه يارب مش بس كلام

■■■ يايسوع انا من غيرك تعبان ■■■

يايسوع انا من غيرك تعبان

ديما قلبي حزين زعلان

محتاج من حضنك حنان

محتاج من لمست ايديك تديني امان

خدني في حضنك وابعد الاحزان

طمن قلبي اللي ديما مليان

بالظلمة والاحساس بالحرمان

مدلي حبال الرحمه والحنان

خدني في حضنك واديني الامان