بسم الثالوث القدوس
يارب انا ابنك منقوش ع كفك
متعني بحبك وضمني ف حضنك يا يسوع
مليش غيرك ف الدنيا مهما لفيت الدنيا ولقيت اصحاب كتيييير
هتبقي انت بردك صديقي ورفيقي الوحيد والحقيقي
لاني بكون معاهم ومعاك انت
فكري فيك انت وعقلي فيك انت
وحبي بحسه انه ليك انت وبس
بحبك يارب اكتر من اي حد ف الدنيا
نفسي بجد يارب اعمل بالكلمه ديه
اعمل بكل حرف فيها عشان دايما نفسي تكون مبسوط
وتكلمني زي مابكلمك علطول
نفسي تكون انت الوحيد اللي بدور عليه واحكيله كل اللي بيحصل معايا
نفسي كمان ميهمنيش اي حد ف الدنيا غيرك
مفيش حد يعلي عنك انت يارب في حبي واهتماماتي
نفسي تكون انت اهتمامي الوحيد والاول دايما
نفسي اكون علطول ماسكه ف ايدك مسبكش ابدا
نفسي يكون قوتك ف ضعفي دايما
واكون قويه بيك ومعاك اعمل واحقق كل اللي نفسي فيه
وهو اني دايما اكون وياك
متسبنيش وتخليني دايما اشكرك واحكي معاك لانك صديقي الحقيقي
امين
ليست هناك تعليقات:
إرسال تعليق