دوق العسل
يانفسى دوسى على العسل لان آخرته مرارة
واللى شايفاه انه ربح دة فى الحقيقة خسارة
والدنيا مهما اتلونت وجددت فيها الحضارة
اوعك فى يوم تغريكى وتشعل فيكى الاثارة
يانفسى كل دة زايل .. وكله نهايته قبض الريح
لا المال ولا الجمال باقى ولا السعادة ولاالتفاريح
وكل اللى يحلا بعينى ... فجأة القاه يتقلب لقبيح
واللى فاكره صاحب يرمينى زى عقب سجارة
يانفسى مالكيش امل.. غير فى اللى فداكى
الكل باعك بالرخيص وهو بدمه اشتراكى
ووعده ليكى وعد أكيد وأكيد حيحقق مناكى
استنى هيجى عن قريب وكلمته هية الامارة
ليست هناك تعليقات:
إرسال تعليق