شوفت ايه خلاك شجاع
رغم سيفهم كان فوقيك
شوفت مين واقف قصادك
خلى قوة بتجري فيك
هل يسوع كان ماشي جنبك
يبتسملك ويناديك
طب عينيه كت باصه ليهم
ولا كانت باصه ليك
احكي يالا وقولي حالا
لما شوفته قالك ايه !!
خلي وشك فجأة نور
وانت عينك كت عليه
قولي وصف للون عينيه
نور لهيبه نار بتحرق
ولا كان فارد ايديه
قولي شوفت مين كمان
كان معاه عل شط امه
ولا قديسين زمان !
قولي طيب وقت لما
سال دمائك شوفت مين !
كان ملاكه بس جنبك !
ولا كان فيه قديسين
والبتول كانت معاه !!
ولا كانت في الصعيد
لجل تمسح دمع امك
اللي راح يكوي الحديد
ولا كت بتواسي زوجتك
وتداوي الجرح الشديد
ولا كانت يومها قاعده
لجل تلعب مع ولادك !
انت مت صحيح ولكن
سيفهم كان توقيع ميلادك
#مايكل_سامي
يا بختكمو صلينا يحافظنا ودينا أيمانكم وشجاعة قلوبكم وصلوا من اجلني ويسبتنا في محبتو
ردحذفامين يارب يسوع المسيح
ردحذف