اليوم نحكى عن طيبه وحنيه البابا كيرلس
++ مواقف عن طيبه البابا كيرلس ++
+ مره البابا كيرلس نزل يصلى عشيه فى البطرخانه وقبل ما يدخل الهيكل قلع الجزمه بتاعته جنب المنجليه ودخل المذبح فى 2 شمامسه شباب شافو جزمه البابا قديمه ومتبهدله راح واحد منهم شايف يا فلان بقى البابا يلبس جزمه كده تعال ناخدها نشيلها ونجيب له مكانها جزمه جديده بسرعه وفعلا اخدو الجزمه وراحو جابو له جزمه جديده البابا كيرلس وهو نازل يبخر الكنيسه راح عدى على الشابين دول مسكهم من ودنهم تعال ياد انت وهو اشمعنى بصيت لجزمه البطرك ومبصتش لجزمه المعلم الضرير يابنى روحو بدلو الجزمه وجيبو جزمه للمعلم هو اولى منى لانه بيمشى فى الطين والظلط لكن انا بركب العربيه وانزل اصلى هو اولى منى بيها وفعلا امرهم يبدلوها ويجيبو للمعلم ولبس نفس جزمته القديمه
+ مره تلميذ البابا كيرلس ابونا روفائيل دخل القلايه بتاعت البابا كيرلس خبط واستاذن ودخل سلام يا سيدنا سلام يابنى بيبص ابونا روفائيل لاقى البابا ماسك الشراب بتاعه بيخيطه لانه اتقطع راح ابونا روفائيل يا سيدنا احنا نجيب لك دسته شرابات وليه تعمل كده راح البابا كيرلس بصله قاله بس يابنى الفقراء والمحتاجين اولى بكل جنيه وانا فى الاول والاخر يابنى راهب نادر الفقر وقاله اياك تحكى اللى شفته لحد الا بعد نياحتى
+ البابا كيرلس كان فيه طبع اى حد يجيب له هدايا اكل فاكهه لازم الاكل اللى يجى يدى منه الفراشين والعمال زيه زيهم وممكن يديلهم نصيبه كمان وميكلش هو كان راجل حنين جدا جدا جدا بالحق فعلا ابو الغلابه
ربنا يدينا قلب البابا كيرلس امين
صوره للبابا كيرلس اثناء صلاه العشيه وتظهر ابتسامه جميله للبابا كيرلس
ليست هناك تعليقات:
إرسال تعليق