ليه يا بنى
ليه يا بنى مهموم وشايل الدنيا فوق كتافك
دا أنا شايفك وحرسك وبعطيك رزقك ورزق اولادك
ليه يابنى عاوز تكنز كنوز ما أنا قلتلك لاتكنزوا لكم على الأرض كنوز
مالك عايش فى الدنيا .... وكأنك بالأرض هتفوز
سيبها عليا واتكل ..... وأنا هفتحلك بدل الكنز كنوز
ليه يابنى
ليه يابنى عايش تدين أخوك
بص للخشبة اللى فى عينك قبل ما تبص
للقذية اللى فى عين أخوك
مأنا زمان حصلت معايا قصة وقلت لقايين أين هابيل أخوك
قالى هو أنا حارس لأخى قولتله الأرض بتصرخ من دم أخوك
فين يا بنى المحبة اللى دعوتك اليها
انت عايش فى الدنيا والشر فى نفسك ماليها
ليه يابنى
ليه تهتم ببكره ليه ليه تهتم تأكل وتشرب وتلبس ايه
أنا عوزك تنظر لطيور السماء... لا تزرع ولا تحصد لكن ببعد عنها كل عناء
دأنا اتصلبت عشانك واندق المسمار فى ايدى بدالك
الحربة دخلت فى جنبى ولبست اكليل الشوك مكانك
ليه تنسى وصيتى وفدائى ليك ومحبتى
ليه يابنى
ليست هناك تعليقات:
إرسال تعليق