نفسى يارب تاخدنى فى حضنك
وابكى وافضفضلك بمشاعرى
اصل انا شايل جوه فى قلبى بحر مشاكل
لو هحكيها مش هتسيعها كل بيوت الشعر بحالها
ومينفعش احكيها لغيرك
اصل انا واثق انى هلاقى قلب حنين
لانك عارف كل همومى من غير ما اشكى
ومفيش غيرك عنده الحل لكل مشاكلى
ومفيش غيرك انت يارب يغير شكلى
وانا مش لاقى صديق يوفينى بحل مناسب
ومفيش غيرك انت ياربى هيجبر جرحى
اصل مافيش غيرك يدينى سلامى وراحتى
او حد هيقدر من تانى يرجع فرحى
ولو كل ابواب الدنيا فى وشى هتقفل
او حتى عيون الناس عنى هتغفل
هلاقى ابوابك فاتحه احضانها
والاقى عينيك على طول سهرانه علشان تحرسنى
اصل انا بنتك وانت ابويا
ومش هتسيبنى فى بحر العالم ده يغرقنى
ولا هتسيبنى فى نار الهم دى تحرقنى
وابعد عنى يارب مشاكلى وكل همومى
واصفح واغفر ليا يارب كل ذنوبى
وضمنى تانى يارب لحضنك
وريح قلبى مادمت انا بنتك
ليست هناك تعليقات:
إرسال تعليق