اللى شالنى ف عز ضيقى
و اللى كان يومها صديقى
واللى انتشلنى منى
واللى اتعود يعيينى
حتى من غير ما اقول
اللى وجع الجسم ... وجعه
واللى دمع عيونى ... دمعه
ياللى شايفه .. ياللى سامعه
هو جاى بينده عليك
اللى اختارك حبيبه
وبقى حضنك دواه
حتى لما اخترت غيره
ف بعده عنك قال الف اه
هو وحده اللى ماليك
لو دورت بعيد عن راحه
هتروح وتزود ف جراحه
وتفكر ان الدنيا دى براحه
وساعه لما تحس بوحده
ترجع وتقول ..
يا يا يسوع فين اراضيك
اللى حبك وانت عيل
واللى مش عايز حزنك يطول
واللى بيفكر ف حلمك
قبل ما انت تعرفه
حبه وحده قادر انه ينجدك
ويشيل حياتك ويجددك
بس انت انوى يومها بس
انك ترجع اليه
ليست هناك تعليقات:
إرسال تعليق